Tumori i gjakut, semuren me shume meshkujt

<IMG BORDER="0" ALIGN="Left" SRC="https://i.servimg.com/u/f70/15/70/70/45/blood-10.jpg">Një nga trajtimet i konsideruar si fjala e fundit e shkencës për efektshmërinë e trajtimin e tumoreve të gjakut ka mbërritur edhe në vendin tonë. Ndërsa pak ditë më parë, në një konferencë zhvilluar në Vjenë, mjekët më të mirë hematologë raportuan lidhur me trajtimin e ri. Konkretisht medikamenti përdoret për të sëmurët me tumore të gjakut, leucemi. Aktualisht sipas shërbimit të hematologjisë në qendrën spitalore universitare “Nënë Tereza” janë rreth 70 pacientë që vuajnë dhe marrin trajtim për format e tumoreve të gjakut. Deri tani trajtimi që ata kanë marrë është përfshirë në rimbursimin që sigurohet nga shteti. Por trajtimi i ri, sipas ekspertëve të huaj dhe vendas, jo vetëm që është efektiv dhe rrit cilësinë e jetës, por nga ana tjetër sjell edhe shërim të plotë. Leukoza Mieloide Kronike (CML) është një kancer i rrallë i gjakut. Në mbarë botën CML ka një incidencë 1-2 raste për 100 mijë njerëz në vit. Ajo zakonisht prek moshën e mesme dhe njerëzit në moshë të vjetër, me një moshë mesatare të diagnozës 55-60 vjeç. Rreth 2 për qind e rasteve të diagnostikuara janë fëmijë. Është shumë pak më e shpeshtë te meshkujt, edhe pse arsyet për këtë janë të panjohura. “Brenda një periudhe të shkurtër kohe, ne kemi parë përmirësime të ndjeshme në menaxhimin dhe trajtimin e CML si rezultat i EUTOS”, tha prof. Michele Baçarani, Universiteti i Bolonjës, Itali, një nga investiguesit kryesorë, pjesëmarrës në konferencën europiane e zhvilluar pak kohë më parë në Vjenë. CML është një malinjitet hematologjik në të cilën qelizat e bardha të gjakut rriten shumë në numër dhe janë të papjekura. CML karakterizohet nga një shkëmbim jonormal i materialit gjenetik. Një pjesë e shkëputur e kromozomit 9 zhvendoset në drejtim të kromozomit 22 dhe një pjesë e kromozomit 22 zhvendoset në drejtim të kromozomit 9 me një fenomen të njohur si “translokim”. Kromozomi 22 i shkurtuar referohet si kromozomi Philadelphia (Ph). Qëllimi përfundimtar i terapisë është eliminimi komplet i kromozomit Philadelfia nga palca e kockave, i quajtur përgjigje citogenetike komplete (CCyR) dhe reduktimi i sëmundjes së mbetur në një nivel minimal, i matshëm vetëm me metoda molekulare dhe që quhet përgjigje molekulare madhore (MMR).

Burimi: Gazeta Shqip